ഗ്രാമീണ ചന്തയും ഗാനവിരുന്നും ശ്രദ്ധേയമായി.

 

ചുള്ളിക്കാപറമ്പ് ആശ്വാസ് വെൽഫെയർ സൊസൈറ്റി  സംഗമം അയൽക്കൂട്ടങ്ങളുടെ നേതൃത്വത്തിൽ നടന്ന ഗ്രാമീണ ചന്തയും ഗാനവിരുന്നും ശ്രദ്ധേയമായി. സംഗമം അയൽക്കൂട്ടങ്ങളിലെ  അംഗങ്ങൾ ഒരുക്കിയ നാടൻ വിഭവങ്ങൾ , കരകൗശല വസ്തുക്കൾ , റെഡിമെയ്ഡ് ഡ്രസ് , വിവിധയിനം പായസം , ശുദ്ധമായ പൊടികൾ  എന്നിവ ഗ്രാമീണ ചന്തയിലെ ശ്രദ്ധേയമായ വിഭവങ്ങളായിരുന്നു . ഗ്രാമീണ ചന്ത കൊടിയത്തൂർ ഗ്രാമ പഞ്ചായത്ത് പ്രസിഡണ്ട് ദിവ്യ ഷിബു ഉദ്ഘാടനം ചെയ്തു . ആശ്വാസ് വെൽഫെയർ സൊസൈറ്റി സെക്രട്ടറി KC  അൻവർ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡണ്ട് ഫസൽ കൊടിയത്തൂർ , ബ്ലോക്ക് പഞ്ചായത്ത് മെമ്പർ സുഫിയാൻ ചെറുവാടി എന്നിവർ മുഖ്യാതിഥികൾ ആയിരുന്നു. വാർഡ് മെമ്പർമാരായ ആയിഷ ചി ചേലപുറത്ത് , കെ ജി സീനത്ത് , ടി കെ അബൂബക്കർ മുൻ ഗ്രാമ പഞ്ചായത്ത് പ്രസിഡൻ്റ കെ പി യു അലി , കെ.വി സലാം മാസ്റ്റർ , ടി പി അബ്ദുല്ല , അസ്‌ലം ചെറുവാടി , കെ ജി മുജീബ് സി അബ്ദു മാസ്റ്റർ എന്നിവർ സംസാരിച്ചു.